Ինչ վիճակում է Դավիթի եղբայրը՝ Միքայելը

Գլխավոր դատախազության շենքի դիմաց Դավիթ Մինասյանին աջակցող բողոքի ակցիայի ընթացքում փաստաբան Լուսինե Մարտիրոսյանը լրագրողների հետ զրույցում անդրադարձել է նրա ընտանիքի վիճակին։

Դավիթ Մինասյանի երկվորյակ եղբայրը՝ Միքայել Մինասյանը, փաստաբանի պնդմամբ,ներկայումս գտնվում է ծանր հոգեբանական վիճակում։

Նա ընդգծել է, որ առողջական խնդիրներից բացի, Միքայելը հոգեբանական լուրջ դժվարություններ է ապրում և մտքով մշտապես իր եղբոր կողքին է։

Միքայել Մինասյանը, հիշեցնենք, ավելի վաղ նույնպես ձերբակալվել էր Սուրբ Աննա եկեղեցում տեղի ունեցած դեպքի շրջանակում։ Ավելի ուշ նա ազատ էր արձակվել՝ արդեն որպես մեղադրյալ, գրավի կիրառմամբ և երկրից չբացակայելու պայմանով։