Այս պահին 75.000-ից ավել քաղաքացի միացել է տրանսպորտի սակագնի թանկացման դեմ ստորագրահավաքին. Հայկ Մարության
- Armen Sukiasyan
- Dec 15, 2024
- 1 min read
Երևանի նախկին քաղաքապետ Հայկ Մարությանը հրապարակած տեսանյութում տեղեկացնում է, որ «Առավելագույնը 100 դրամ» խորագրով հանրային տրանսպորտի սակագների թանկացման դեմ ստորագրահավաքին արդեն իսկ միացել է 75.000-ից ավել քաղաքացի։
«Մենք շարունակում ենք մեր ստորագրահավաքն ընդդեմ տրանսպորտի թանկացման։ Այս պահին 75.000-ից ավել քաղաքացի միացել է ստորագրահավաքին։ Մարդիկ միանալով ստորագրահավաքին՝ ցույց են տալիս, որ իրենք դեմ են այս խայտառակ որոշմանը»,-նշում է Մարությանը։
Նա տեղեկացնում է, որ դեկտեմբերի 18-ին տեղի կունենա իր և Երևանի քաղաքապետ Տիգրան Ավինյանի միջև բանավեճը ուղիղ եթերով։ Եվ մինչև այդ կշարունակեն ստորգրահավաքը։
