Լավ կլինի, որ երկաթուղու կառավարումը գնի մեր ու ՌԴ-ի հետ բարեկամ որևէ երկիր․ Նիկոլ Փաշինյան
Փաշինյանն առաջարկում է, որ ՌԴ–ն վաճառի ՀՀ–ի երկաթուղու կառավարման իրավունքը բարեկամ երկրի։
Ռուսաստանի կողմից երկաթուղու կառավարման առումով մեր ռազմավարական դիրքերի կորուստ ենք ունենում, ճեպազրույցի ժամանակ այս մասին ասել է Նիկոլ Փաշինյանը` անդրադառնալով «Թրամփի ուղու» շրջանակում երկաթուղու գործարկմանը և դրա որոշ հատվածների` Ռուսաստանի կողմից վերականգնմանը։
Նրա խոսքով` կան ուժեր, որոնք ասում են` այնպես պետք է անել, որ Մեղրիից հետո, երբ երկաթգիծը մտնում է Նախիջևան, դրանից հետո շրջանցի Հայաստանը, ասում են` Հայաստանի երկաթուղին Ռուսաստանի կառավարման ներքո է։
«Ռուսաստանը, մեր համոզմամբ, որևէ կերպ չի խոչընդոտի մեր տարածաշրջանային նախագծերին: Այս մասին ես ՌԴ նախագահի հետ էլ եմ խոսել, և ես գիտեմ, որ նա աջակից է բոլոր այս ծրագրերին։ ՌԴ-ի դեմ ոչինչ չունենք, բայց լավ կլինի, որ երկաթուղու կառավարումը գնի մեր ու ՌԴ-ի հետ բարեկամ որևէ երկիր»,– ընդգծել է նա։
