ՀԱՊԿ-ի և Հայաստանի միջև որևէ կոնֆլիկտ չկա. Վիկտոր Վասիլև
- 13 hours ago
- 1 min read
ՀԱՊԿ-ի և Հայաստանի միջև հակամարտություն գոյություն չունի, և սխալ է ասել, որ այն, իբր, սկիզբ է առել Երևանի և Բաքվի միջև լարվածությունից։ «ՌԻԱ Նովոստի»-ին ասել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«Հայաստանի և ՀԱՊԿ-ի միջև «հակամարտություն» չկա։ Ասել, որ այն, իբր, սկիզբ է առել 2021 թվականից, նույնպես ապրիորի սխալ է», - ասել է Վասիլևը՝ պատասխանելով գործակալության այս հարցի վերաբերյալ հարցին։
Դիվանագետը ընդգծեց, որ տարիներ շարունակ, այդ թվում՝ տարբեր միջազգային ձևաչափերով, փորձեր են արվել գտնելու փոխզիջումային լուծումներ ղարաբաղյան կարգավորման համար։
Նրա խոսքով՝ Ռուսաստանը առաջարկել է «համապատասխան լուծումներ, որոնք լավ հայտնի են թե՛ Հայաստանի, թե՛ Ադրբեջանի ղեկավարությանը»։
Նա նշել է, որ «հակամարտությունը որևէ կապ չուներ ՀԱՊԿ-ի մանդատի հետ, և Երևանը գիտի դա»։
Հայաստանը սառեցրել է իր մասնակցությունը ՀԱՊԿ-ին 2024 թվականին։
