ՀԷՑ-ի սեփականատերը չի ընդունի կառավարության առաջարկը. «Դա ներկայացողին պետք է ուղարկել համապաստախան մասնագետի մոտ»
May 8
1 min read
Հայաստանի կառավարությունը ՀԷՑ–ը ձեռք բերելու համար 380 հազար դոլար է առաջարկել բաժնետերերին՝ Սամվել Կարապետյանի ընտանիքին։ Լրագրողների հետ զրույցում ՀԷՑ-ի նախկին գլխավոր տնօրենի ԺՊ, «Ուժեղ Հայաստան» կուսակցության անդամ Դավիթ Ղազինյանն ասաց, որ իրենք չէին ուզում հրապարակել, սակայն արդեն փաստաթուղթը լրատվամիջոցներից մեկը հրապարակել է։
«Սա հերթական անգամ ցույց է տալիս պետության վերաբերմունքը մասնավոր բիզնեսի նկատմամբ»,- ասաց Ղազինյանը։
Հարցին՝ պատրաստվո՞ւմ են ընդունել կառավարության առաջարկը, Դ. Ղազինյանը պատասխանեց` ո՛չ. «Բանական կամ տրամաբանություն ունեցող ո՞ր մարդը կարող է դա ընդունել։ Ընդհակառակը, դա ներկայացողին պետք է ուղարկել համապաստախան մասնագետի մոտ»։
