Իլոն Մասկի նախկին ընկերուհին ասել է, որ հղիությունից հետո ինքն «ավելի քիչ լեսբուհի է դարձել»

Իլոն Մասկի նախկին ընկերուհին՝ կանադացի երգչուհի Գրայմսը, բանավեճ է առաջացրել իր X/Twitter էջում՝ հայտարարելով, որ հղիանալուց հետո սեքսուալության փոփոխություն է զգացել։

«Հղիանալուց հետո ես շատ ավելի քիչ լեսբուհի եմ դարձել», - ասել է Գրայմսը, ով երեք երեխա ունի աշխարհի ամենահարուստ տղամարդուց: «Կարդալու և գրելու վրա կենտրոնանալու իմ կարողությունը զգալիորեն աճել է, ինչպես նաև իմ ընդհանուր ստեղծագործական ունակությունները, բայց տեխնիկական բաների վրա կենտրոնանալու իմ կարողությունը զգալիորեն նվազել է»: Գրայմսը հարցրել է իր 1,3 միլիոն հետևորդներին. «Այս ամենը հորմոնների՞ պատճառով է»:

Երբ հետևորդներից մեկը ենթադրել է, որ իր նույնասեռական զգացմունքները կախված են ոչ այնքան հաճելի զուգընկերոջ հետ «ուղիղ հարաբերությունների մեջ լինելուց», Գրայմսը պատասխանել է. «Ես զգում եմ, որ դա ինձ պետք է ավելի հոմոսեքսուալ դարձնի»:

Մեկ ուրիշը նշել է, որ X-ը լավագույն վայրը չէ նման հարցերը ուսումնասիրելու համար, ինչին Գրայմսը պատասխանել է, որ իրեն «հետաքրքրում են թեմայի շուրջ շրջանառվող տեսությունները»։

Երբ նրան խնդրել են բացատրել, թե ինչ նկատի ունի «ավելի քիչ լեսբուհի դառնալ» ասելով, նա պատասխանել է, որ «ուղղակի ավելի քիչ է հետաքրքրված աղջիկների հետ հանդիպումներով»։