Տոկիոն պահանջում է ապամոնտաժել ՌԴ Հաբարովսկ քաղաքում տեղադրված՝ Ճապոնիայի նկատմամբ ԽՍՀՄ հաղթանակին նվիրված հուշարձանը․ Ճապոնիայի վարչապետ
Sep 5
1 min read
Տոկիոն պահանջել է ապամոնտաժել Հաբարովսկում տեղադրված՝ Ճապոնիայի նկատմամբ ԽՍՀՄ հաղթանակին նվիրված հուշարձանը: Այս մասին X-ի իր էջում գրել է Ճապոնիայի վարչապետ Սանաե Տակաիչին։
«Սեպտեմբերի 4-ին ՌԴ Հաբարովսկ քաղաքում տեղի է ունեցել Ճապոնիայի նկատմամբ հաղթանակի հուշահամալիրի բրոնզե արձանի բացման արարողությունը, որը պատկերում է խորհրդային զինվորի, ով ոչնչացնում է քրիզանթեմի տեսքով զինանշանի պատկերով սահմանային սյունը:
Մասնավորապես, քրիզանթեմով զինանշանը լայնորեն հայտնի է որպես Ճապոնիայի խորհրդանիշ, և դրա ոչնչացումը պատկերող հուշարձանի տեղադրումը բոլորովին անընդունելի է:
Սա հարց է, որը շոշափում է ճապոնացի ժողովրդի զգացմունքները, և կառավարությունը վճռականորեն պահանջել է ռուսական կողմից ապամոնտաժել հուշարձանը»,- գրել է վարչապետը:
