Արտագաղթողների մի հսկայական զանգված նրանք են, ովքեր չեն ուզում՝ իրենց երեխաները ծառայեն․ Փաշինյանը՝ արցախցիների մասին

Մենք չենք ուզում, որ ԼՂ-ից բռնի տեղահանվածներն արտագաղթեն, ասուլիսում ասաց Նիկոլ Փաշինյանը։ Նա անդրադարձավ նաև արտագաղթի պատճառին։

«Արտագաղթողներն ովքե՞ր են։ Արտագաղթողների մի հսկայական զանգված այն մարդիկ են, ովքեր չեն ուզում, որ իրենց երեխաները ծառայեն։ Իսկ ինչո՞ւ չեն ուզում՝ իրենց երեխաները ծառայեն, որովհետև խաղաղություն չկա։ Խաղաղության օրակարգը հենց դրա համար է», - ասաց կառավարության ղեկավարը։