Լուկաշենկոն մանրամասնել է, թե ինչու է Մինսկը բացել ԵՄ-ի հետ սահմանները

Բելառուսի նախագահ Ալեքսանդր Լուկաշենկոն հայտարարել է, որ ԵՄ հարևան երկրների բնակիչների համար առանց վիզա մուտքի ռեժիմի շնորհիվ Մինսկը արտարժույթ է վաստակում՝ իր արտադրանքը զբոսաշրջիկներին վաճառելով։

«Ինչո՞ւ եմ ես սահմանները բացում եվրոպացիների հետ։ Ոչ միայն այն պատճառով, որ մենք սիրում ենք լեհերին, լիտվացիներին և լատվիացիներին։ Մենք նրանց լավ ենք վերաբերվում. նրանք օտար չեն, նրանք մեր հարևաններն են։ Նրանք գալիս են մեզ մոտ, գնում են այն, ինչ իրենց անհրաժեշտ է, ապա իրենք են տեղափոխում այն իրենց երկիր»,-ՌԻԱ Նովոստիի փոխանցմամբ՝ ասել է Լուկաշենկոն։

Լուկաշենկոն ընդգծել է, որ բելառուսական ընկերությունները կարիք չունեն իրենց արտադրանքն այնտեղ տեղափոխելու և գումար ծախսելու տրանսպորտային և լոգիստիկ ծառայությունների վրա։

Բելառուսը որոշել է 2022 թվականի ապրիլի 15-ից անվիզա մուտք գործել Լիտվայի և Լատվիայի բնակիչների, իսկ 2022 թվականի հուլիսի 1-ից՝ Լեհաստանի քաղաքացիների համար։