«Միսս ԱՄՆ»-ն թագադրումից յոթ ամիս անց հրաժարվել է տիտղոսից՝ պատճառաբանելով հոգեկան առողջության հետ կապված խնդիրները

«Միսս ԱՄՆ» Նոելիա Ֆոյգտը տիտղոսը նվաճելուց յոթ ամիս անց հրաժարվել է կոչումից՝ պատճառաբանելով հոգեկան առողջության հետ կապված խնդիրները: 24-ամյա գեղեցկուհին ցնցող լուրով կիսվել է Instagram-ում։

«Երբեք մի խախտեք ձեր ֆիզիկական եւ մտավոր բարեկեցությունը: Մեր առողջությունը մեր հարստությունն է»,-ասել է Ֆոյգտը:

«Իմ ճանապարհորդությունը որպես «Միսս ԱՄՆ» աներեւակայելի իմաստալից էր՝ հպարտորեն ներկայացրել եմ Յուտան, իսկ հետո՝ ԱՄՆ-ն «Միսս Տիեզերքում»: «Ցավոք, ես շատ դժվար որոշում եմ կայացրել՝ հրաժարվել «Միսս ԱՄՆ 2023» տիտղոսից։

2023 թվականի սեպտեմբերի 23-ին Նեւադայի Ռինո քաղաքում Ֆոյգտը դարձավ «Միսս ԱՄՆ»-ի 72-րդ հաղթողը։ Նա առաջին վենեսուելացի ամերիկացին է, ով նվաճել է այդ տիտղոսը:

Մոդելը նախկինում պատմել էր, որ երբ 16 տարեկանում սկսեց մասնակցել գեղեցկության մրցույթների, հասակակիցները նրան ծաղրի էին ենթարկում։