Հայտնի է դարձել «Volga» նոր ավտոմեքենաների մոտավոր արժեքը
- Armen Sukiasyan
- May 25, 2024
- 1 min read
Վերականգնված Volga ապրանքանիշի նոր մեքենաների նվազագույն արժեքը կկազմի մոտավորապես 2,5 միլիոն ռուբլի, գրում է motor.ru-ն։
Ավտոմեքենաների գծով փորձագետ Մաքսիմ Կադակովը C40 սեդանը գնահատել է այս գնով։ Մասնագետն ակնկալում է, որ Ռուսաստանի բնակիչները կկարողանան գնել K30 քրոսովերը 2,5-3 միլիոն ռուբլով՝ կախված կոնֆիգուրացիայից։ Ինչ վերաբերում է ֆլագմանի K40 մոդելին, այն կվաճառվի 3-3,5 միլիոն ռուբլով։
Կադակովի կարծիքով՝ Volga սեդանի արժեքը համեմատելի կլինի Lada Aura-ի գնի հետ։ Ընդ որում, հիմնական տարբերակում նոր «Վոլգան» կարող է 2,5 միլիոն ռուբլուց ավելի քիչ արժենալ: Միևնույն ժամանակ, վերածնված ապրանքանիշի մոդելները տեխնոլոգիապես ավելի կատարելագործված են, միաժամանակ, ավելի անվտանգ ու հզոր։
Ի տարբերություն պրեմիում դասի Lada-ի, Volga-ի սեդանները նպատակաուղղված չեն լինելու պետական կառույցների համար գնումներին: Ընկերության մեքենաների գնորդներ կլինեն ֆիզիկական անձինք, ինչպես նաև մասնավոր ընկերությունները։ Անդրադառնալով չինական մեքենաների հետ համեմատությանը, փորձագետը նշել է, որ Volga C40-ը նման է Changan Raeton Plus-ին։ Իսկ K30 և K40 քրոսովերները նման են Oshan X5 Plus-ին և Changan UNI-Z-ին:
