Գազայի հատվածից հրթիռներ են արձակվել Թել Ավիվի ուղղությամբ

Վերջին մի քանի ամսվա ընթացքում առաջին անգամ փորձ է արվել Գազայի հարավից երկու հրթիռ արձակել Թել Ավիվի ուղղությամբ, այս մասին տեղեկություն է տարածել իսրայելական բանակի մամուլի ծառայությունը։

Հաղորդվում է, որ հրթիռներից մեկն ընկել է Գազայի հատվածի, իսկ երկրորդը՝ Իսրայելի կենտրոնական հատվածի վրա։

ՀԱՄԱՍ-ի մամուլի ծառայությունը նշել է, որ այս քայլն արվել է ի պատասխան Պաղեստինի ժողովրդի դեմ կատարված բազմաթիվ սպանությունների։