Թրամփը հիասթափված է ՆԱՏՕ-ի անդամ երկրներից ու իրանցի բանակցողներից
- Mar 26
- 1 min read
ԱՄՆ նախագահ Դոնալդ Թրամփը հիասթափված է ՆԱՏՕ-ի անդամ երկրներից ու իրանցի բանակցողներից։ Այդ մասին նա խոստովանել է սոցիալան ցանցի իր էջում գրառումներով։
Նա նշել է, որ ՆԱՏՕ-ի երկրները բացարձակապես ոչինչ չեն արել օգնելու իրենց։
«ԱՄՆ-ն ՆԱՏՕ-ից ոչինչ չի ակնկալում, բայց երբեք չի մոռանա այս կարևոր ժամանակը»,-նշել է նա։
Դրանից րոպեներ անց էլ նա հայտարարել է, որ իրանցի բանակցողները շատ տարբեր ու տարօրինակ են։
«Նրանք աղաչում են մեզ համաձայնության գալ, ինչը նրանք պետք է անեին, քանի որ ռազմական առումով ոչնչացվել են, բայց հրապարակավ հայտարարում են, որ միայն «դիտարկում են մեր առաջարկը»։ Սխալ է։ Ավելի լավ է, քանի ուշ չէ, նրանք լրջանան»,-նշել է ԱՄՆ նախագահն ու սպառնացել անդառնալի հետևանքներով։
